ۇزىندىعى 32 مەتردى, ەنى 7 مەتردى قۇرايتىن, 14 ەكيپاج مۇشەسىنە ارنالعان «الاتاۋ» كەمەسى ۆاكۋمدىق ينفۋزيا ءادىسى قالىپتاماسىندا نەگىزدەلگەن تۇتاس شىنىپلاستيكالىق كورپۋسقا يە. كەمە مينا ىزدەۋگە ارنالعان ايرىقشا باتىستىق قۇرالدارمەن جابدىقتالعان تولىققاندى مينا تارتقىش-ىزدەۋشى بولىپ تابىلادى. مينا-تارتقىش كەمەنىڭ ەكيپاج مۇشەلەرى سانكت-پەتەربۋرگ قالاسىنداعى اسكەري-تەڭىز اكادەمياسىندا تاجىريبە جيناقتادى. جاۋىنگەرلىك كەمە بولعاندىقتان جاۋىنگەرلىك كەزەكشىلىكتە بولادى, بىراق ونىڭ كەزەكشىلىگى بەيبىت زاماننىڭ ەنشىسىندە. كەمە جۋىردا عانا اقتاۋ پورتىن سولتۇستىك باعىتتا كەڭەيتۋ جۇمىستارىن زەرتتەۋدەن ورالدى.
اقتاۋ تەڭىز پورتىندا وتكەن كەمەگە تۋ تابىستاۋ ساتىنە ماڭعىستاۋ وبلىسىنىڭ اكىمى ەرالى توعجانوۆ جانە قر اسكەري-تەڭىز كۇشتەرىنىڭ باس قولباسشىسى, ۆيتسە-ادميرال جانداربەك جانزاقوۆ قاتىستى.
- بۇگىن «الاتاۋ" مينا تارتقىشى ماڭعىستاۋ وبلىسىنا كەلىپ توقتادى, بۇل – ايتۋلى وقيعا. كەمەدە كوتەرىلگەن اسكەري-تەڭىز جالاۋى ەلىمىزدىڭ مەملەكەتتىك شەكاراسىن, قوعامدىق كەلىسىمىن جانە تۇراقتى دامۋىن نىعايتۋعا باعىتتالادى. ماڭعىستاۋ – كاسپي تەڭىزى جاعالاۋىندا ورنالاسقان جانە مەملەكەتىمىزدىڭ بارلىق اسكەري-تەڭىز كۇشتەرى شوعىرلانعان جالعىز وبلىس, - دەدى كەمە ەكيپاجىن قۇتتىقتاعان ماڭعىستاۋ وبلىسىنىڭ اكىمى ە. توعجانوۆ. قر اسكەري-تەڭىز كۇشتەرىنىڭ باس قولباسشىسى, ۆيتسە-ادميرال جانداربەك جانزاقوۆ جالاۋدى كەمە كومانديرى, كاپيتان-لەيتەنانت م.بايمۇحانوۆقا تابىستادى. سونداي-اق, «الاتاۋ» كەمەسىمەن تانىسۋ بارىسىندا ايماق باسشىسى ە. توعجانوۆ قۇرمەتتى قوناقتار كىتابىنا ەكيپاج تارتقىشىنا ارنالعان ءوز تىلەگىن جازىپ قالدىردى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
